大概一個月之前,係youtube 已經見到Eason即將有派台的國語歌MV, 心諗H3M都係出咗幾個月,今次隻新碟會唔會 “揸流灘”呢??
當欣賞完 “給你”係youtube 的 MV preview 之後,已經好有feel! 感覺上有少少類似激版的時代曲.再睇介紹,當知道呢首主打原來係出至Eason的手筆, 版主就立刻愛上了它!!
今次 “上五樓的快活”係台灣的宣傳口號係「不好聽，5天內退貨免費」Be honest, 呢條橋都真係幾絕.不過聽完第一次之後,我相信絕大多數的樂迷都應該唔會有呢個想法
開首的 “在你身邊” 係下年上海世博會開幕典禮的主,聽起來有d娘娘地, 不過整體感覺好切合呢類型的活動
第二首歌 “這樣的一個麻煩＂唔使睇介紹，音樂一開始已經估到係出至蘇打綠青峰的手！成隻歌玩味十足，正合Eason的口味。版主一向都好欣賞Eason的多變同嘗試！今次同青峰的合作，絕對係成功！
第三首歌係蔡健雅包辦曲詞的 “多少＂版主對Tanya的認識唔深，比較有印象係數年前的 “雙棲動物” 同featuring張震嶽 “思念是一種病”！大路的慘情歌加上Eason的感情演譯，相信會係下一輪的派台歌
之後的 "nothing ever happened"，最大的驚喜係填詞的林嘉欣！相比不想放手中的aren't you glad,版主比較喜歡後者
接著的是范曉萱寫的 “你為什麼哭了”，全首歌Eason的演譯都好即興再加上一點懶洋洋的感覺，這亦是版主喜歡Eason的一環。由早期的眼眉調，到較為近期的last order，都係Eason的滄海遺珠。縱觀香港樂壇，真係搵唔到一個可以唱到呢類型歌的歌手！
之後再出場的 “謀情害命”，再次係吳青峰幫Eason寫的一首上乘之作, 全首歌須要的真假音轉換再加Wyman生鬼的歌詞,令版主真係百聽不厭!!
第七首可算係今隻碟的焦點之一,Eason首次唱出台語歌, “我甲你”. 雖則版主唔係太明白歌中意思,不過Eason原來可以好滄桑,好浪子,好王傑…..正!!!
第八首 “心的距離”另一隻K味比較濃的歌.正確d講係一首少d功力都唱唔到的K歌. 從開始的絕望,到中段的激動,到後面的瘋狂加嘶聲力歇的狂怒, 真係好正，好想睇到佢Live的演出！！
第九首的 “床頭燈”，感覺上好似 “我的世界末日”同 “土星環”的 crossover. 其實Eason真係唔太多呢類的曲風，唔知係咪同廣東話的發音有關呢!?
第十首的 “給你”, 係今次album的第一主打，亦係出至Eason的手筆. 其實過往Eason都一向有作曲，只係產量唔多．希望將來有機會Eason會好似學友咁出一張全創作大碟！！
最後一首係電視劇主題曲 “從可說起”，be honest首歌真係娘娘地，不過版主好欣賞的係林夕係chorus 的一段歌詞
<誰辜負過自己 說不上可惜
誰被世道放逐身不由己
誰曾朝不保夕
才為幸福而賣力(才會死心不息)
才捨得面對鏡子 說我可以>
推介歌 :
這樣的一個麻煩
多少
你為什麼哭了
謀情害命
心的距離
給你
