先講婚禮...畢業之後,由頭幾年好興奮咁第一次比收人的請帖,到後期開始有朋友搵你做兄弟做MC..到近年已經對婚禮有d痳木!

今次結婚係水十十月嘅小學同學,大大話話認識有十五年以上..起初都以為佢只搵7-8個較熟的同學仔赴會.去到先知佢足足請咗接近兩圍同學出席!當晚真係好開心,有好幾個係至從小六畢業之後都冇見過.雖然十幾年冇見,但係亦冇因為咁影響大家的感覺..全晚最嘈就係我地兩圍!我地留到最後差不多送曬客先走..

走時同另一同學邊行邊說,雖然大家咁多年冇見.不過可能真係識於微時,就算對大家近呢十年發生的一切都唔清楚,不過都可以十分享受..大家都好期待舊同學之後搞的Gathering 呢!

只於葬禮,係屬於水十十月一位好友的媽媽嘅!伯母係好幾年前已不幸得到癌症,起初都可以用電療控制.但後期因癌細胞擴散到肝,最後與癌病鬥爭多年,係中秋前夕過身!對於我呢位好友及其家人來說,伯母的離去,可能會更好!有時候見到自己最愛最親的人同病魔煎熬,心裡的感覺真係好難受!當日見到友人及其家人係葬禮之後都可以同我地有講有笑..水十十月都安心多了!正如uncle講,"可能佢(伯母)走咗,我地成家人都會開心d..起碼唔洗見佢係醫院插曬喉,講又講唔到,食又食唔到..昏昏迷迷為好!只少佢而家係另一個地方會開開心心呀.."

雖然水十十月年紀唔係好大,但自己都出席過不少的葬禮.我只希望我將來的最後一程可以所有來賓都可以開開心心,因為我覺得一生人能夠真真正正以你名義搞的一次重要的gathering,真係唔多,不出生,結婚同過身..所以點解唔開開心心咁過咗佢呢!?