至上次接完Cake Cake的蕉之後,今次再收到貓比斯的蕉! 當然要快快回啦,唔係貓比斯話我冇得去旅行喎
遊戲方式：
回答所有問題，並發一篇Blog在自己的網誌上！回答之前，請刪除一條你不喜歡的問題，另出一條問題代替；完成後，再點人繼續遊戲，並到這些人的Blog留言通知對方
1) 你自己最大的缺點？
～有時做野唔夠專心..可能做做吓一樣野,未完的時候就開始另一樣!
～講野講得太快,又時候我講完人地都唔知我講乜
～懶！好多時明知可以做ｄ搞點，不過唔到 last minute都唔面對
2）你最鍾意什麼活動／運動？
運動：其實我好鍾意游水(係真個隻)．．假假地當年小學時都幫學校拎過獎牌！如果當時Keep住練水．．可能我係另一個方力申, hahaha！不過屋企又冇Club House,又冇泳池!自己又唔鍾意游沙灘,所以而家好少游啦！大多數係去旅行時係酒店泳池游一陣!
3）到目前為止，什麼令你最難忘？
應該係Form 7放榜, 係冇乜期望下考到一個可以入到U的成績！我記得一收到張成績單,嗌咗一聲"Yes"就走咗出班房..我ｄfriend完全唔知我做乜!
4）你曾經被多少人暗戀？
真係唔知，話明暗戀，我又點會知！？
５）如果時間可以停止一分鐘，你希望停留在哪一刻？
我想番去自己細個嗌Daddy同Mommy個一刻!我諗對我爸爸媽媽嚟講應該係佢地最重要的一刻，不過我真係完全冇記憶，所以想同佢地一齊分享呢個特別時刻
６）如果你走到人生的盡頭了，那在你人生最後的一段歲月，你會做什麼？
係邊度冇所謂啦...最緊要係同我最愛的家人,朋友一齊渡過!
其實冇話鍾唔鍾意..因為我就係我! I am what I am !!
7）假如有一國家即時批准你擁有永久居留權，你想去邊個國家住？
其實我自己都係最鍾意香港..真係搵唔到一個地方可以好似香港咁,你半夜三更肚餓又可以去7仔!又有一個咁靚夜景!去邊度都咁方面,唔會好似外國,冇車的就好似唔識行咁...
8) 人生最快樂既一件事？
活於一個健康,快樂的家!
9) 最令你遺憾的一件事？
因電話接收唔到,未能趕到醫院見外公最後一面!
10) 如果你可以選擇叮噹其中一件法寶，你會首選邊樣？
隨意門!! 可以想去邊又得,想見邊個都得!!
有d似Jumper個套戲!! 一下子係香港番緊工, lunch可以去London買外賣,之後係獅身人面像個頂到一邊曬太陽一邊食lunch!!諗起都爽!!
11) 如果可以讓你做透明人半小時，你會做什麼？
我即時諗到係去睇下 David Copperfield d 魔術係點變出嚟..例如點變走自由神像,點穿過長城!!從中屈佢教我魔術..唔係爆佢大鑊! haha
12) 你細個時第一個印象係幾歲?做緊乜?
我應該係兩歲半到!農曆新年係我阿爺爺比佢屋企d狗嚇到喊!!
最後有請Cake Cake,Ken兄, Silygwala接蕉啦!!
