ABBA對我嚟講絕對唔陌生,可能因為由細係屋企都時常聽到老豆聽佢地的歌!所以當知道Mamma Mia上演的時候第一時間去咗睇!

故事係一個有點老土! 即將嫁人的Sohpie,係媽媽的日記中發覺自己的親生父親可能係三個同自己媽媽有一夜風流的男子!為了完成自己的心願,Sophie發信比呢3個男人邀請佢地參加自己的婚禮,亦希望籍此搵番自己的生父!當佢地到埗之後,當然發生咗好多搞笑的場面!最後都係一個大團員結局...

成套戲最搶眼的當然係梅麗史翠普!作為兩屆Oscar影后的佢,演技實在係無懈可擊. 對水十十月嚟講,對Meryl Streep 的舊作的認知真係十分有限!但係至從The Devil wears Prada, 佢嘅一舉一動真係正!尤其佢最後係車上同Anne Hathaway say goodbye個一幕,到而家都好難忘!

今次同樣都係由佢貫穿成套戲!唱,跳,演,無一不精彩!所以完場之後都同女友稱讚,外國演員真係好野. 要佢做喜劇又得,悲劇又得,musical 都得!係香港真係冇乜邊個得!除咗梅麗史翠普之外,其他一班綠葉都表演稱職!

至於歌曲方面,ABBA的歌雖然唔係首首都識!不過襯埋套戲入面.又覺得好正喎!睇完之後,都有衝動係屆企搵老豆d ABBA CD出嚟煲一煲!