日前等朋友期間去咗三聯打書釘,無意中望到Mitch Albom的一本新書(其實都唔算新,只不過係版主唔係成日行書局啫)名叫 For One More Day！睇咗個序，入面的一句"Every Family is a Ghost Story"已經吸引咗我，立刻走去cashier比錢買咗佢
Mitch Albom之前出過的兩本小說 "Tuesday With Morrie"同"The Five People You Met in Heaven", 水十十月只睇過後者！雖然係中文版，但係都好精彩！所以當見到此作者的新書，就立刻快快睇完佢．
故事大概講主角Charles"Chick"Bennetto係一位曾經參與World Series (應該係美國最出名的baseball級別比賽）的中年漢，因事業失意加上投資失利引致妻離女散！有一天，佢收到佢最愛女兒的通知，她已婚了，但沒有請他出席其婚禮．．．
意興闌珊的Charles因此決定返回老家終結自己的生命！但離奇的事件就此發生，係佢回到老家的同時，Charles竟然同已死去８年的媽媽重逢．亦因為咁，Charles係老家中同媽媽渡過多一天．．．
係書中提到好多身為仔女與父母之間的感情事！尤其喜歡作者列出一些"Time I did not stand for my mom"同"Times My Mom Stood Up for me"．雖然唔係每一件列出的都同自己一樣，但好大部分係睇完之後，再回想起來都好似曾相識！即係可能你因為自私的原因，已傷害咗自己的家人．同時，好多時候父母可以為子女作好無私的奉獻！
最近版主好友之媽媽因病的原因，可能即將離世．雖然同auntie只有一面之緣，不過係佢個blog中見到佢寫番一ｄ同媽媽的往事同後悔自己未能時常係佢身邊的自責，更加覺得自己的幸福．
好多時候，無野可以100%肯定！所以有機會的話同父母多ｄ溝通，鍚佢地多ｄ！因為佢地永遠都只會擔心你，希望你快高長大！祝各位的父母身體健康！
p.s.係youtube中搵到有關For One More day 的 TV Version, 未睇本書前可以睇下
